Sunday, January 07, 2007
shakin hands !


مشكله تواجهني يوميا في حياتي
مقابله زميل \ استاذ \ صديق لاحدهم \ زوج زميله \ دكتور \ممرض .......الخ
اول تصرف ينبع من هاؤلاء عرض يده للمصافحه ...
فتكون رده فعلي باني :
لا استطيع مصافحه رجل لا اعرف !!
لكن كيف اوصل المعلومه لهم بانه لا يجوز
لا يعرفون اي شي عن الاسلام او لما تكون رده فعلي هكذا ؟؟
من المواقف التي تعرضت لها ....
.
.
بالعامي ..
شاب اسمر مد ايده بيسلم جان اقوله سوووووري
مايصير اصافح رجل..
: انصدم
ليش عشاني اسمر !!!!!!
كانت رده فعلي وات : نو نو نو
عشان ديني \ حجابي لازم احترمه ..
طبعا ماقتنع ولا يدري انا شنو اتكلم عنه ..
المشكله انها تواجهني بصوره مستمره
حتى مع الدكاتره والاطباء ورده فعلي نفس الشي ...
رده الفعل هذي تولد كره وحقد على الحجاب !!!! وعلى الاسلام والمسلمين ..
شنو هالتكبر وهالغرور ماتلمس ايدنا !!
.
.
موقف ثاني
كانت وياي صديقه من فنزويلا
ويات تبي تعرفني على ريلها
اول رد فعل له
انه مد ايده يبي يسلم
انا قتله سوووووري مع ابتسامه
وفهمته ليش سوري .. لانه الوقت كان يسمح اشرح ..
بعد يوم من الحدث لاحظه البنت متغيره
يعني حتى ماتقول هااي
ولا ريلها قايلها لا تقربين صوب هالبنت
وو ووو ووو
:\
.
.
تعرضت لمشاكل وايد ...ومستمره في طريقتي .
ولا ادري شنو الحل !!
اي اقتراحات ..
 
posted by R7eeq at 9:29 AM |


7 Comments:


At Monday, January 08, 2007, Blogger MASS 

و احذرهم أن يفتنوك عن بعض ما إنزل الله إليك

the more conservative you are in your dress, in your tone of speech, the easier it will be to realise and they wont even try to shake hands.

فليحذر الذين يخالغون عن أمره أن تصيبهم فتنة أو يصيبهم عذاب أليم

At Tuesday, January 09, 2007, Blogger Nescafé 

استمري في هذا الطريق يارحيق
طول ما ان انتي على صواب
والله يفرجها ان شالله

للاسف ماعندي اقتراح او حل، اتمنى الاخوان يفيدونج

At Tuesday, January 09, 2007, Blogger R7eeq 

لا لا انا مو كاتبه الموضوع
ادور مبرر عشان اسوي هالشي ..

لا بالعكس ماكتبته الا عندي قناعه تامه بان اسلوب ماراح يتغير .. لكن

ممكن الاقي اقتراح يوصل المغزى لهم بصوره اسرع واسهل واوضح ...


عموما شكرا لرد الفعل ..

At Friday, January 12, 2007, Anonymous Anonymous 

مرحباا

الله يعينج ،، وهذي بالفعل مشكله

البسي دسوس على ايدج وقت الدوام بحيث انها تكون تغطي ايدج

:)

At Sunday, January 14, 2007, Anonymous Anonymous 

شيء رائع إنه تكون عندقي قناعة، وما أغيرها مهما كانت الظروف..

مادري يتني فكرة ..

مثلا دايما ترفقين معاج هدية صغيرونه،

مثلا كتيب طوله 7 سنتي في سبعة سنتي،

في بطاقتين تختصر عليج الشرح ومغلقة بشكل حلو،



وبعد أول شيء تشرحيلهم إياه، قبل لا تشرحيلهم إنه حجابج مثلا يمنعج، إنج توضحيلهم إنج تحترمينهم فعلا، وتكنين لهم من التقدير الكبير.. لكن .. كذا كذا كذا..

أحس هالموقف بيكون لصالحج إذا كنتي ذكية في التصرف في هذيج اللحظة بالضبط..

تقدرين تثيرين عندهم فضول عن هالدين وغيره..


بالتوفيج حبيبتي ..

إختج


همة

At Sunday, January 14, 2007, Anonymous Anonymous 

مرحباا

تعليق بسيط على كلام الاخت

(( همة ))

فكره حلوه لكن يبيلها شوي تغير

يعني لو تشوفين كتيبات صغيره عن الاسلام وعن موضوع الحجاب بالذات

تخلينهم يقرونه ويعرفون التفاصيل

بحيث مره ثانيه اذا كان معاهم شخص غريب مايعرفج يقولون له لاتصافحها لان الدين حرم هذا

او اذا جيتيهم ورفضتي تصافحينه بعد ماتمشين يشرحون له ويفهمونه

وبالتالي يتوفر عليج عملية الشرح وكل يوم شايله جيس تارسته هدايا :)

وعلى فكره ،، كل الديانات السماويه فرض فيها لبس الحجاب

يعني مو بس الدين الاسلامي

والكل المفروض يلبسه

بس وين اللي يفهم

بعض البنات عندنا يصومون وشعرهم مكشوف

شنو المصخره

المهم مابي اطيل بالتعليق بس كان تعليق خفيف لا اكثر

بالتوفيق ان شاء الله

فمان الله

At Wednesday, January 31, 2007, Blogger Expatriate 

طبعا ما يحتاي اذكر حجم الأجر الكبير و القوة اللي تملكينها في ثباتج على مبدئج وتمسكج بدين صالح لكل زمان ومكان
بدين يخبرنا نبيّه بأننا الآن نعيش في زمن
القابض فيه على الدين كالقابض على الجمر

ونعم .. مثل هالمشكلة نواجها نحن الشباب في أمريكا لما نرفض نصافح النساء سواء دكتورة او مسؤولة في مكان او حتى عميدة الكلية في حفل التخرج .. سواء مديرة سكن او مديرة قبول في جامعة

مثل هالمشكلة ايضا نواجهها مع الطالبات اللي معانا في الدراسة .. نشرح لهم شلون ما يجوز عندنا بالاسلام نلمس جسد امرأة اجنبية حتى بالمصافحة .. مستغربين ليش ما ارضى المهم لما ننقطع عن بعض فترة طويلة .. طبعا نواجه هالمشاكل لأن الإسلام ممسوحة صورته في الغرب

الحل اتوقع بمحاولة الشرح بقدر الإمكان
و الاعتذار بشكل ودي ومحترم ، و استخدام عبارات واضحة ورسميّة
ولكن اذا لما يساعد هذا الحل فلابد من بعض المواقف المحرجة .. وشنسوي امرنا لله
احنا في ديرة غرب وكلها ايام قلائل ونرجع فيها الى ديرتنا وبلاد المسلمين

الله يثبتنا جميعا