حالمه ..هي ,
....
اخر اعمالي *
.......
اشياء من هنا وهناك ..
بالمناسبه كلمه( اشيااء) تعني الكثير ... لاحدهم ^__^
قبله بحجم السماء لقلبوهم ...
.......
الاربعاء
2-8-06
ذكرى الغزو الغاشم ..
ويصدف في نفس اليوم زفاف احد الاقارب...
ملل لابعد حد .. وكئيب جدا ..
.
.
على اي حال
بارك اللهم لكما وعليكما وجمع بينكم على خير
الله يهنيكم .. ونشوف نونو صغير يارب :*
........
الخميس
3-8-06
رحلتي الى فيلكا ..
ممتعه .. حد التعب
لكن الجو مأساه .. غبار وهوى ..
...
فضفضه ..
بالرحله تهاوشنا ويا واحد يأجر بانشيات
كان حيل فض بالاسلوب ... وقليل الادب
حرني وقهرني ودعيت عليه !! معني ماحب ادعي على احد
بس الي سواه مو شويه .. واستغربت انه في ناس تتحجى بهالاسلوب
ولا تحترم احد ولا يهمها احد
وقاحه !! الله يكافيكم الشر
......
المطعم الي اهناك ماحفظ اسامي ...
بس كان في مجبوس دياي .. نفس اكل يدتي يم يم
^_^ ونااااسه حدي استمتعت بالاكل
علي بالعافيه :p
......
الجمعه\السبت
4\5-8-06
اتزهب للسفر ..
.......
الاحد ..
6-8-06
عشاء للوداع :>
كاانت مؤلمه بالنسبه لي ..
شيئ يذكر ..
اهم شي اني شفت الكل وسلمت على الكل ...
وفرحه يدتي لانها شافتني اشوفها بعيونها ..
الله يخليها ياربي...
.......
مكالمه ..
رحيق : الو
هي : هلا بالقاطعه
رحيق: شلونج وشخبارج .. شدنيا فيج ..
ادري قاطعه بس تعرفين كلها شهر وماشيه كل يوم عزايم وزوارات
بعد نادي تصوير !!
هي : نادي !! صج ماتستحين كلها شهر وداشه فيه نادي
رحيق: اووه سوري بس شسوي ماحب اقعد فاضيه .. وحدي ودي احترف
ههه مصدقه
هي : زين شتبين داقه ها انا زعلانه عليج ماكلمج
رحيق: امبيه .. شنو شتبين داقه .. داقه اسلم عليج بسافر باجر
هي : :\ شنو جذابه انتي اكيد ينيتي شنو تسافرين
وداقه بعد صج ماتستحين على ويهج
مابي اسلم عليج انا قلت صج مشغوله بس ادعسلي يوم مني مناك مو جذي
رحيق : اوكي باجر ورى الساعه 11 مريني نطلع نتغدى واشوفج واسلم عليج
هي : من صجج واغراضج وشغلج وجنطتج ..
رحيق: عادي انا مازهب شي الا حده حده ليمن بنروح
هي : اوكي سامحتج بس زهبي اغراضج بليل والضحى انا عندج .. واي شي ناقصج
نشتريهم ويا بعض
رحيق: زين زين بس لا تزعلين ^__^
يلا سي يو
بباي
هي: باي
.
.
علمت مؤخرا
انها بعد مكلمتي هذه بكت بكت ..!!
ولم تستطيع اكمال عشائها وخرجت من المطعم بصحبه والدتها ...
بكت اهمالي
بكت انشغالي
ام بكت غربتي
لا اعلم .. كل ما اعلمه .. انه الاصداقاء يعنون لي الحياه
كم احبهم
واحبكم ..
.......
الاثنين
7-8-06
رحيلي ..
موجع هذا الفراق ..
ومؤلمه دموع امي على كتفي ...
:(
.......................
يقال ..
اذا اردت ان تكتسب عاده جديده او تتخلص من عاده قديمه
يكفيك 30 يوما لهذا ..
دعونا نجرب ...
ونحلق في سماء التغير ...
سأحاول لمده 30 يوما كتابه مدونه جديده ..
^_^
بانتظار عاداتكم
.
.
.
سعيده بوجودكم معي
كونوا بخير..